Hallingstakk

Helgestakkar frå Hallingdal

Helgestakken har tradisjonelt sett vore i bruk over heile Hallingdal, og er framleis eit populært plagg når ein skal vere litt pynta. Stakkane byggjer på draktskikkar fra 1700-tallet, då dette var eit vanleg plagg både til kvardags og fest. Det var stofftypane som avgjorde korleis den enkelte stakk skulle brukast. 
Den svarte vart brukt til festlege anledningar, medan blå og grønn var brukt til halvfint. Den rutete stakken vart brukt til kvardags. I dag blir dei ulike variantane stort sett brukt til festlege anledningar.
Det fins fleire varianter av broderi ein kan velgje mellom både på bandet nederst på stakken og i ryggen og overlivet. Rundt kanten av overlivet kan ein velgje mellom ulike pynteband.   
Det fins også fleire variantar av skjorter med broderi og utan broderi. I livet blir det brukt belte i svart skinn (livhjul) med sølvspenne.    
Svarte strømper og svarte bunadsko blir brukt til stakkane.

Kjole/stakk
Helgestakkane blir laga i ullstoff. Oppe på stakken er det eit fastsydd liv der ein kan velgje mellom ulike broderingar eller einsfarga stoff, både i front og i ryggen.
Når det gjeldt det broderte bandet nederst på stakken, så fins også dette i mange forskjellige mønster og farger.

Skjorte
Skjorta er laga i bomullstoff, med broderi på kragen. Den kan lagast som einsfarga kvit, eller i blomstrete stoff med kvit krage. Det fins også eksempel på silkeskjorter, ofte i raudfarger. 

Sjå bileta under for dei forskjellige stakkane og detaljane.


Grøn stakk.


Detaljar frå rygg og overliv.



Raudrutete stakk.


Blå stakk.



Svart stakk.



Detaljar frå brodert stakkeband.