Voss




Jakke/ trøye
Jakka er kort og i svart klede. Den har nedbretta slag og oppståande krage med stikningar. Det er sju sølvknapper på kvar side av opningen framme, men jakka skal vera open slik at vesten synast.

Bukse/ knebukse
Det blir brukt både knebukse og langbukse til denne bunaden. Buksa er i svart klede, og har linning og sølvspenne ved kneet. I splitten ved kneet sit tre sølvknapper.

Vest
Det er to typer vestar til denne bunaden. Den eine er i raudt klede og vart brukt av gifte menn. Midt i front har den eit grønt stykke med smale raude kantar, som kneppast med ei rad doble sølvknapper. Fram og over dette går det raude forstykket, som har ei rad med litt større sølvknappar på kvar side. Dette skal gi inntrykk av det er to vestar. Den har oppståande krage med stikningar og to lommer kanta med grønt stoff. Ryggen er fôra og laga av ubleika lerret. 
Den andre vesten var opprinneleg for ugifte. Den er raud med grønne kantingar. Mest vanleg er det med enkel knapping, men dobbel knapping vert også nytta.

Skjorte
Blir laga i lin eller bomullslerret. Hals- og ermelinningar kan ha kvitsaum. Også langs splitten i brystet kan det være broderi, men dette er gjerne noko smalare enn på halslinningen.

Strømpe
Strømpene er mønsterstrikka i naturkvit ull. Her er det mange forskjellige mønster å velge mellom. Sokkebanda er oftast laga av raudt og grønt ullgarn. 

Hovudplagg
Svart filthatt oftast i bruk. Smågutar brukar gjerne raud strikkalue.

Anna
Svarte bunadsko med sølvspenne høyrer til. Sølvet består av mansjettknapper og hengsleknappar til halsen, i tillegg til knappene på trøye, vest og knebukse. Vesten har også ei spenne i ryggen. Klokkekjede og slirekniv høyrer med til denne bunaden.


Detaljar frå vesten.


Med langbukse.


Detaljar frå knebuksa.