Ulvik

Bunaden er basert på draktskikken frå midten av 1800-talet; ein viktig tidsepoke for bunadene frå Hardanger. På den tida var jakke og vest prega av både rokokko- og empiremote. Bunaden er kopiert etter ei gamal drakt frå området.

Jakke
Open, kort jakke med ståkrage og slag i svart ullklede. Den er kanta med grøne biser rundt krage, front, kanten nede og på lommeklaffar.

Bukse
Knebukse med knappegylf i svart klede. Buksa har knesplitt og knelinning. 

Vest
Dobbeltspent vest med slag og ståkrage i raudt ullklede. Ryggen er i ubleikt bomullslerret. På slaga og kragen er det broderi.

Skjorte
Brodert kvit skjorte i bomull med broderi i lin, eller kvit skjorte i bomull og lin utan broderi.

Strømper
Til knebuksa blir det brukt kvite naturfarga ullstrømper.

Hovudplagg
Det er vanleg å bruke hatt til denne bunaden.

Anna
Det er mest vanleg med sølvknappar til bunaden, men tinn kan også brukast.