Sunnmøre

Bunaden representerer draktskikken på Sunnmøre på slutten av 1800-talet, og kom i bruk tidleg på 1900-talet. Bunaden har mange fellestrekk med andre bunader som vart tatt i bruk på same tid. Kombinasjonen av kort trøye og knebukse i svart ullstoff, raud vest og kvite strømper er for mange sjølve symbolet på norske mannsbunader.

Jakke
Open, kort jakke med ståkrage og slag i svart ullklede. 

Bukse
Knebukse med lukeopning i svart klede. Buksa har knesplitt og knelinning med spenne. 

Vest
Dobbeltspent vest utan krage og slag i djupraudt ullklede. Baskerlin i rygg.

Skjorte
Brodert kvit skjorte i lin, eller kvit skjorte i bomull eller lin utan broderi.

Strømper
Til knebuksa blir det brukt kvite naturfarga ullstrømper.

Anna
Bunaden blir levert med knappar i tinn eller sølv.