Sør-Trøndelag

Drakta representerer draktskikken slik den var rundt Røros sist på 1800-talet. Det var bunadsnemnda i BUL i Nidaros som arbeidde med å få kopiert drakta i 1952–53. Vestestoffet vart spesiallaga for å få så nøyaktig kopi av den gamle vesten som mogleg. I 1983 foreslo Bunad- og folkedraktrådet å bruke dette stoffet, men heile drakta er ikkje lagt fram for eit samla råd.

Jakke
Open, lang jakke med ståkrage i svart eller mørkeblått ullklede eller vadmel.

Bukse
Knebukse med lukeopning i svart eller mørkeblått ullklede eller vadmel. Buksa har knesplitt og knelinning med spenne. 

Vest
Dobbeltspent vest med ståkrage i stripa ullstoff. Baskerlin i rygg.

Skjorte
Brodert kvit skjorte i lin eller bomull, eller kvit skjorte i bomull og lin utan broderi.

Strømper
Til knebuksa blir det brukt kvite naturfarga ullstrømper.

Hovudplagg
Om ein vil kan ein bruke raud lue til denne bunaden.

Anna
Bunaden blir levert med knappar i tinn eller sølv.