Samnanger

Bunaden har mange fellestrekk med bunader frå andre stader i Hardanger. Den vart tatt i bruk i perioden 1900-1915. 

Jakke
Open, lang jakke med ståkrage og slag. Jakka er laga i svart klede og slaga er i grønt klede. Kragen har stikningar og broderi og ein bise med broderi i framkant. Det er ein raud bise med brodering langs framkant, rundt kanten nede, rundt sidelommer, ermsplitt og ermavslutning. Jakka har to innvendige lommer og to sidelommer. 

Bukse
Knebukse med lukeopning i svart klede. Buksa har to sidelommer og knesplitt med spenne. 

Vest
Ein kan velje mellom raud eller svart vest.

Svart vest: Dobbeltspent vest med slag og ståkrage i svart klede. Kragen har stikningar og broderi. Baskerlin i rygg. Vesten har to sidelommer med broderi, samt broderi langs slaga og i framkant. 

Raud vest: Dobbeltspent vest med slag og ståkrage i raudt ullklede. Vesten er kanta med grøne biser rundt krage, langs slag, framkant og kanten nede. Vesten har broderi langs kanten på slaga og på krage. Den har to sidelommer med broderi.

Skjorte
Kvit skjorte i lin eller bomull utan broderi. 

Strømper
Til knebuksa blir det brukt kvite naturfarga ullstrømper.

Hovudplagg
Det er vanleg å bruke hatt til denne bunaden. 

Anna
Det er mest vanleg å bruke sølvknappar i bunaden, men tinn kan også brukast.