Fana

Den første mannsbunaden kom i bruk allereie rundt 1900. Fana har halde fram tradisjonen med å bruke to vestar utanpå kvarandre. Utgangspunktet var Laksatrøya, men frå rundt 1925 kom Flasketrøya. På 1970-talet vart meir av den tradisjonelle draktskikken i området tatt opp att, og det har gitt bunaden utsjånaden den har i dag. Det finst ulike variantar av broderia på vestane og buksa.
 
Jakke
Lang, open jakke med ståkrage og slag i svart klede. Dekorert med raude biser.

Bukse
Knebukse med lukeopning i svart klede.

Vest
Her vert det brukt to variantar.
Vest - raud: Dobbeltspent vest utan krage og slag i raudt ullklede. Ryggen er i ubleikt bomullslerret. På lommeklaffane er det broderte åttebladsroser eller hjulmønster. 
 
Vest - svart: Open vest med ståkrage i svart ullklede. Ryggen er fôra med ubleikt bomullslerret. Kragen er høg med svarte stikningar. Det er broderi langs framkanten. På lommeklaffane er det broderte åttebladsroser eller hjulmønster.Den svarte vesten skal vere utanpå den raude.
 
Skjorte
Brodert kvit skjorte i bomull, eller kvit skjorte i bomull eller lin utan broderi.

Strømper
Til knebuksa blir det brukt kvite naturfarga ullstrømper.

Sølje
Enkel knapp med anheng.

Hovudplagg
Raud, strikka topplue med grønne kantingar, eller svart filthatt med høg eller låg pull.

Anna
Knappar i sølv, tinn eller messing.