Lier

Lier kommune oppretta ein bunadskomite i 1980. Skreddarmeister Fridtjof Fredriksen frå Drammen gjorde jobben med bunaden, som vart godkjent i 1982. Vesten byggjer på ein gamal vest frå Holtmark i Sylling. Tanken var at bunaden skulle vere nøytral kledning bygd rundt vesten. Jakke og bukse har ein del fellestrekk med Hallingbunaden.

Jakke

Open, kort jakke med slag og krage i ulldrapé. Jakka er fora, og kragen er laga i svart fløyel.

Bukse
Ein kan velje mellom langbukse eller knebukse. Buksa blir laga i svart ulldrapé og har lukeopning. 

Vest
Dobbelspent vest med sjalskrage-slag og utan krage. Den blir laga i eit gråsvart, rutete ullstoff. Rygg i ubleika bomullslerret. Vesten har 2 sidelommer og regulerbart spensel i rygg.

Skjorte
Kvit skjorte i lin eller bomull utan broderi. Det er også ein variant med broderi, der møllestein er motivet. Me leverer begge deler.

Strømper
Til knebuksa skal det vere kvite, naturfarga ullstrømper.

Hovudplagg
Det er vanleg å bruke hatt.

Anna
I halsen kan ein pynte med ei halssølje, og mange brukar også silketørkle. Bunaden blir levert med knappar i tinn eller sølv.