Aust-Telemark

 

Aust-Telemark har sterke bunadstradisjonar. Denne bunaden byggjer på klesskikken på midten av 1800-talet. Den blir ofte kalla for gråtrøye, ettersom den først blei laga i grå vadmel. Lengda på jakka har variert frå hoftelang til heilt kort. I dag er den å få i ubleikt kvit og grønt vadmel. 

Jakke
Open jakke utan fôr, med ståande krage og slag i naturkvit eller frøn vadmel. Det er 2 lommeklaffar på jakka, men det er ikkje lommeposar. Jakka har broderi på krage, lommeklaffar, midt bak på ryggen og nede i front. Langs framkant, rundt krage, i nedkant, rundt lommeklaffar og rundt ermavslutning er det grøne biser.

Bukse
Ein kan velje mellom knebukse eller langbukse.
Buksa blir laga i svart klede med klaffeåpning i front. Den har 2 sidelommer under klaffen, og raude og grøne biser langs sidesaumane. Klaffen, knesplitttane og knelinningane har grøne biser.

Vest
Ein kan velje om ein vil ha grøn eller svart vest. Vesten blir laga i ullklede og er dobbelspent med slag og ståande krage. I ryggen på vesten er det bomullslerret. Den har 2 sidelommer og regulering i ryggen.

Skjorte
Brodert kvit skjorte i bomull med svart smøyg-broderi i lin, eller kvit skjorte i bomull eller lin utan broderi.

Strømper
Til knebuksa skal det vere kvite naturfarga ullstrømper.

Hovudplagg
Det er vanleg å bruke hatt. 

Anna
Bunaden blir levert med knappar i tinn eller sølv.