Aust-Agder, Åmli

Dagens bunad er ein kopi av gamle draktplagg frå midten av 1800-talet. På garden Askeland i Mykland vart det funne ei svart korttrøye og ein småblomstra brokadevest. Even Paulsen Mykland hadde eigd desse plagga, og dei danna grunnlaget for vest og trøye i dagens bunad.

Jakke
Open, kort jakke med slag i svart klede.

Bukse
Knebukse med lukeopning i svart klede. Buksa har 2 sidelommer under lukeopninga, knesplitt og knelinning. 

Vest
Dobbeltspent vest med slag og ståkrage i blomstra svart eller blå brokade. Baskerlin i rygg. 

Skjorte
Kvit skjorte i lin eller bomull utan broderi.

Strømper
Til knebuksa skal det vere kvite naturfarga ullstrømper.

Hovudplagg
Det er vanleg å bruke hatt. 

Anna
Bunaden blir levert med knappar i tinn eller sølv.